ຂ່າວລະບຸວ່າ: ກ່າວຄຳເຫັນໃນພິທີ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ເນັ້ນໜັກວ່າ: ຢາກໃຫ້ເສດຖະກິດເຕີບໂຕ ບໍ່ອາດຂາດພະລັງງານໄດ້, ພິເສດແມ່ນລະດັບການເຕີບໂຕຂົງເຂດໄຟຟ້າຕ້ອງໄວກວ່າ 1.5 ເທົ່າເມື່ອທຽບໃສ່ການເຕີບໂຕດ້ານເສດຖະກິດ ແລະ ເອົາໃຈໃສ່ການຫຼຸດຜ່ອນ ແລະ ລຶບລ້າງບັນດາລະບຽບການບໍລິຫານທີ່ບໍ່ຈຳເປັນ; ແບ່ງຂັ້ນ, ແບ່ງສິດອຳນາດ ແລະ ຈັດແບ່ງແຫຼ່ງກຳລັງ. ທ່ານນາຍົກລັດຖະມົນຕີ ຮຽກຮ້ອງໃຫ້ກຸ່ມບໍລິສັດພະລັງງານໄຟຟ້າ ຫວຽດນາມ ຕ້ອງຜັນຂະຫຍາຍໂຄງການດັ່ງກ່າວພາຍໃນ 6 ເດືອນ, ແນ່ນອນວ່າ ຕ້ອງປະຕິບັດສຳເລັດກ່ອນວັນທີ 31 ສິງຫາ 2025 ດ້ວຍຄຳຂວັນທີ່ວ່າ “ຄວາມຄືບໜ້າໄວກວ່າ; ຄຸນນະພາບດີກວ່າ; ລາຄາຖືກກວ່າ; ປອດໄພ, ມີປະສິດທິຜົນກວ່າ; ປະຕິບັດວຽກງານໜູນຊ່ວຍສັງຄົມໄດ້ດີກວ່າ ແລະ ຮັບປະກັນຮັກສາສະພາບແວດລ້ອມໃຫ້ດີກວ່າເກົ່າ.
ວົງການຕ່າງໆຂອງອາເມຣິກາ ຫວັງວ່າ ການຕ່າງປະເທດປະມຸກລັດຈະນຳພາການພົວພັນຈີນ-ອາເມຣິກາ ກ້າວໄປຂ້າງໜ້າຢ່າງໝັ້ນທ່ຽງ
ຂ່າວສານຊີອາໄອລາຍງານວ່າ: ໂດຍຕອບສະໜອງຕາມຄຳເຊີນຂອງທ່ານ ສີຈິ້ນຜິງ ປະທານປະເທດຈີນ, ທ່ານ ໂດນັນ ທຣຳ ປະທານາທິບໍດີອາເມຣິກາ ຈະເດີນທາງມາຢ້ຽມຢາມຈີນທາງລັດຖະກິດລະຫວ່າງວັນທີ 13-15 ພຶດສະພານີ້ ຊຶ່ງເປັນການພົບປະແບບເຊິ່ງໜ້າກັນອີກຄັ້ງໜຶ່ງຫຼັງຈາກປະມຸກລັດສອງປະເທດພົບປະກັນຢູ່ນະຄອນບູຊານປະເທດ ສ ເກົາຫຼີ ເມື່ອເດືອນຕຸລາປີ 2025.
ຄໍາເຫັນ